उद्योजकता केंद्राकडे नोंदणी केलेल्या बेरोजगारांना रोजगार उपलब्ध व्हावा यासाठी जिल्हा कौशल्य विकास रोजगार व उद्योजकता मार्गदर्शन केंद्रातर्फे आजपासून पंडीत दिन दयाळ उपाध्याय ऑनलाईन रोजगार मेळावा घेण्यात येत आहे. २६ जूनपर्यंत चालणाऱ्या या मेळाव्यात व्हिडीओ कॉन्फरसिंग द्वारे थेट मुलाखती घेण्यात येत आहेत.यांच्यामार्फत  ऑनलाइन पद्धतीने पंडित दीनदयाळ उपाध्याय रोजगार मेळाव्याचे आयोजन दिनांक 24 ते 26 जून 2020 दरम्यान करण्यात आले  आहे.

        मेळाव्यात रोजगार देणाऱ्या विविध नामांकित कंपन्या व उपभोक्तांकडून रिक्त पदे https://rojgar.mahaswayam.gov.in/ पोर्टलवर ऑनलाईन अधिसूचित करण्यात येणार आहेत. यासाठी सदर वेब पोर्टल वर नोंदणी केलेल्या आणि रिक्त पदांसाठी पात्रतेप्रमाणे निकष पूर्ण होणाऱ्या किंवा ऑनलाइन अर्ज केलेल्या उमेदवारांच्या व्हिडिओ कॉन्फरन्सद्वारे मुलाखती घेण्यात येणार आहेत . या सुवर्ण संधीचा लाभ घेण्यासाठी इच्छुक उमेदवारांनी लॉग इन करावे . तसेच ज्या नोकरी इच्छुक उमेदवारांनी अद्याप पर्यंत सेवायोजन नोंदणी केलेली नाही त्यांनी https://rojgar.mahaswayam.gov.in/ वर तर  अँड्रॉइड मोबाईल धारकांनी प्लेस्टोअरमधून  mahaswayam ॲप मोफत डाउनलोड करून नोंदणी करावी . तसेच लॉगिन करून शैक्षणिक पात्रतेनुसार उपलब्ध रिक्त पदांसाठी अर्ज करावे.

         भरती इच्छुक नियोक्ते यांनी जास्तीत जास्त रिक्त पदे https://rojgar.mahaswayam.gov.in/ या वेब पोर्टलवर पंडित दीनदयाळ उपाध्याय जॉब फेअर ऑप्शनवर क्लिक करून औरंगाबाद ऑनलाईन जॉब शहर  १ (२०२०-२१)   यावर त्यांच्याकडील रिक्त पदे अधिसूचित करावी. तसेच मनुष्यबळाच्या मागणीची जाहिरात व प्रसिद्धी या विभागाच्या वेब पोर्टलवर विनामूल्य करावी . याबाबत काही अडचण आल्यास  कार्यालयाच्या ०२४०-२४२४८५९ या दूरध्वनीवर कार्यालयीन वेळेत संपर्क साधावा.  जास्तीत जास्त भरती इच्छुक नियोक्ते आणि बेरोजगार उमेदवारांनी या संधीचा लाभ घ्यावा , असे आवाहन एन.एन.सूर्यवंशी, सहाय्यक आयुक्त ,जिल्हा कौशल्य विकास रोजगार व उद्योजकता मार्गदर्शन केंद्र, औरंगाबाद यांनी प्रसिद्धीपत्रकाद्वारे केले आहे.